隨住智能手機嘅越來越普及、功能越來越多，智能手機已經成為我地最親密嘅伙伴啦，就算去洗手間都必須帶埋佢，真係一秒都唔可以分開架！如果要大家唔帶手機一段時間，唔知大家覺得自己可以接受到同手機分開幾耐？
或者我地曾經試過唔記得帶手機嘅時候會變得擔心、感到不安，害怕自己錯過重要來電、Whatsapp、微信、手遊限時活動。我地亦都可能因為擔心自己會錯過重要來電、Whatsapp、微信、遊戲活動而變得唔願意同手機分開，希望自己時刻保持社會聯繫，呢個情況可能係錯失恐懼症。有研究指，錯失恐懼症同問題性智能手機使用有關。我地可能因為擔心會錯過某啲自己覺得重要嘅野而投放過多時間係手機上面，但係如果我地花過多時間係智能手機上，除左會影響到我地正常生活、社會呢啲方面，都會影響我地身心健康架。
為左我地健康著想，大家覺得每日花幾多時間係手機上面好啲呢？如果大家發現自己有以上困惑，歡迎致電28723143預約本會嘅心理諮詢及輔導服務，一齊傾下啦。
