【學生心晴】酒精成癮

　唔知大家有無聽過一個講法：「酒精可以令人忘卻煩惱」，好多人遇到唔開心或者煩惱嘅事，就會去飲酒，因為酒醉左之後就可以咩都唔記得晒。但……呢個講法當然係錯的，酒精唔能夠解決你嘅煩惱之餘，飲得太多仲可能會患上「酒精成癮」架！

　　酒精成癮係指患者因為長期飲酒，對酒精產生左強烈嘅渴求同依賴，一旦停止左飲酒，心理同生理都會出現唔舒服，有時候患者自己就算知道飲酒係唔好，但都無辦法制止自己，仲會愈飲愈多，明明一開頭飲幾杯就醉，但慢慢演變成飲好多杯都唔會醉，甚至仲會因為飲酒而影響自己嘅正常生活。但大家唔好以為養成千杯不醉係好事呀，長期飲得太多酒，除左有機會造成酒精中毒之外，對身體器官同腦部都會有損害架。

　　不過，酒精成癮係可以治療的，心理治療同藥物治療都有唔錯嘅成效。各位，正所謂「酒入愁腸愁更愁」，遇到壓力都係用正面態度去面對啦，記住未滿十八歲係唔可以飲酒架！就算過左，酒呢啲野，都係少飲為妙啦。

　　如果遇到您或身邊的親友有以上困擾，歡迎致電28723143預約本會的心理諮詢及輔導服務，與我們的心理輔導員傾訴，一起尋找更多的解決方法。另外，衛生局轄下的塔石、筷子基、黑沙環、海洋花園及湖畔嘉模衛生中心都開設了心理保健門診，為有需要人士提供專業協助。