【學生心晴】創傷後遺症

　　唔知你地人生中有無一啲經歷，係再講起都係覺得驚呢？例如話早兩年嘅颱風天鴿，令到澳門停水停電，唔知你會唔會自此之後聽到要打風就好慌張，好驚當年嘅災難再次發生？上述嘅情況就有啲似創傷後遺症啦。

　　創傷後遺症（Post-traumatic stress disorder，簡稱PTSD，又稱創傷後壓力症候群），患者因為經歷過重大嘅壓力事件，例如話親友嘅離去、天災人禍、戰爭、暴力事件等等，而留有精神創傷，患者係事件中多數都會有一種被傷害或者生命受威脅嘅感覺，而約莫係事情發生後嘅幾星期或者幾個月就會開始出現症狀。

　　咁創傷後遺症嘅症狀有啲咩呢？首先，患者會成日都發惡夢，同埋創傷嘅回憶會突然係腦海中閃過，令到患者又好似返返去當時咁，再黎患者會逃避一啲令創傷事情重演嘅地方或者事物，以及人會長期處於戒備狀態，容易受驚嚇，易怒，過度警覺，訓唔到教等等，以上呢啲反應仲好有可能持續幾個月甚至幾年。

　　係咪聽完都覺得好大壓力呢，咁又唔洗咁擔心，藥物同心理治療都可以幫到創傷後遺症嘅患者，同時患者都要保持樂觀，咁樣走出陰影就指日可待啦！如果遇到您或身邊的親友有以上困擾，歡迎致電28723143預約本會的心理諮詢及輔導服務，與我們的心理輔導員傾訴，一起尋找更多的解決方法。另外，衛生局轄下的塔石、筷子基、黑沙環、海洋花園及湖畔嘉模衛生中心都開設了心理保健門診，為有需要人士提供專業協助。