【心理小知識】長期在家的困擾(下) – 家庭關係

　　上次我地講左長期宅在家點緩解情緒，唔知大家有無跟住做呢？今日我地就講下另一個困擾，就係家庭關係啦。

　　最近咁多時間係屋企，好容易同屋企人「一言不合就嗌交」，到底家庭關係呢個萬年難題有無解決方法？咁就梗係……有啦！首先，要保持尊重和接納的心態，再黎就係要一個開放、願意溝通嘅態度，試下多Ｄ開口撩屋企人傾計，例如話：「中午要吃咩呀？我好無聊呀，有咩要幫手呀？」。

　　我地同大家一樣都好想疫情早日過去，可以周圍去，但目前都係留係屋企安全Ｄ，建議大家不妨將呢段時間視為調整家庭關係嘅機會，好好同屋企人相處。學聯為有需要嘅學生同家長提供情緒支援、升學及心理輔導相關服務，若有需要，請透過電郵方式，或是微信搵我地。（電郵：[email protected]  微信ID: AECM_1950）