【學生心晴】考試焦慮 - 澳門中華學生聯合總會

有無試過，臨近考試或者功課Deadline，個人就會好大壓力或者好煩躁，覺得唔夠時間準備，好緊張，就算訓教都會夢到考試或者交報告嘅情境，狀態已經唔夠好，仲要休息得咁差，工作效率就更加受影響啦，明明自己平時狀態都唔錯，但一到左重要時刻就咁，真係好困擾呀！

　　相信好多人都有遇過以上「考試焦慮」嘅情況，考試焦慮會係考試、面試等評核進行期間，或者事前準備階段出現，我地有可能會因此感受到焦慮緊張、憂鬱不安、容易發脾氣、失眠。原因係因為考試、面試呢ｄ通常都係重要嘅評核，成功與否對我地有好大嘅影響，因為重視，所以就會更加害怕失敗，愈諗愈無把握。

　　考試焦慮會影響我地正常發揮，拖慢工作進度，仲可能引起其他唔同影響，要克服佢的話首先要學識放鬆，當我地感到焦慮嘅時候，可以放低手上嘅工作，嘗試做運動、聽音樂或者沖個熱水涼，對放鬆都有即時嘅效果，你亦可以練習下肌肉放鬆法、腹式呼吸同冥想，呢幾個小技巧有助我地紓解身心緊張。同時，我地應該保持自信，相信自己嘅能力，亦要提早準備同計劃，避免因為時間不足而產生更大嘅壓力。

　　如果您或身邊嘅人有以上困擾，歡迎致電28723143預約本會心理諮詢及輔導服務，同我們嘅心理輔導員傾訴，一起尋找更多解決方法。

組織澳門學聯升學及心理輔導中心

分類學生心晴

發佈2020-05-12

焦點活動

Hot

【推介】75周年會慶限時入會福利

【活動推介】第二十九屆全國中小學生繪畫書法作品比賽（澳門賽區）

【活動推介】咪走雞定向活動

【活動推介】“神話尋光：從我國神話故事中領悟勇敢與擔當”

澳門學聯七十五載愛國之路專題特刊

【形TV】〖問形啲〗EP66.全澳學校巡禮聖心英篇

澳門中華學生聯合總會