【學生心晴】同儕壓力

　　有時候，朋友提出左一個要求，你自己就唔係幾願意，但係站係朋友立場，唔幫佢又好似好衰，同時又驚拒絕會令朋友疏遠你，呢種兩難局面你有無遇過？

　　係呢個情況下你遭受嘅就係同儕壓力啦，同儕壓力（Peer pressure）係指一種由同輩／朋輩施加嘅影響力，呢種影響力鼓勵一個人改變自己嘅態度、價值觀同行為，去遵守該團體嘅社會規範，就例如話你明知抄功課唔岩，但當身邊嘅人都係咁做，你都係會妥協。同儕壓力其實十分常見，因為人係群居動物，隸屬於群體會令我們有安全感，所以我地為左融入群體，就會改變自己嘅某Ｄ原則。

　　遇到同儕壓力應該點處理呢？我地唔應該害怕同別人唔一樣，要有勇氣同堅持，去做自己認為該做嘅事，唔需要太在乎人地嘅眼光同過於迎合別人，大多數人選擇去迎合別人，改變自己，都係因為害怕被排斥，但若果你只顧迎合的話，長遠落去可能會失去自我，否定自己，嚴重ｄ仲可能受他人影響而做出不法嘅事！所以係兩者之者取得平衡就十分重要啦！

　　如果您或身邊嘅人有以上困擾，歡迎致電28723143預約本會心理諮詢及輔導服務，同我們嘅心理輔導員傾訴，一起尋找更多解決方法。