【深夜超人|EP2】深夜廚房

live_tvAPO channel, 輕電視access_time2017-07-23177 次總觀看

眾所周知,澳門經濟以博彩旅遊業作為支柱,當中有唔少人需要輪班工作,輪班工作除咗作息時間唔穩定會影響健康之外,無論係對家庭、社交、飲食等通通都會受到影響。

佢哋未必可以每晚收工就同屋企人食飯,佢哋未必可以每次出席朋友聚會,甚至佢哋會食無定時,凌晨收工突然飢寒交迫,但全澳食肆幾乎全部收檔,呢種「冇啖好食」嘅情況對於一般人嚟講可能只會出現係大年初一至初三,但對佢哋嚟講就係家常便飯。

不過,近年盛行嘅篤篤小食店熱潮似乎成為咗佢哋嘅救星,我今晚又再次深夜出動,專訪一間篤篤小食店嘅老闆。做得呢行夏天熱到溶,冬天又凍到震,點解老闆仍然要選擇「捱夜」之路呢?同場加映「兆祖廚房」,為你特製麻辣獅子狗!

其實澳門居民能夠安居樂業,當中絕對唔少得一眾輪班工作者嘅犧牲同貢獻,不過佢地嘅需求似乎一直都被政府忽視,特別係輪班工作嘅年輕人需求,直到最近先有24小時開放嘅圖書館,期望政府未來可以推出更多24小時開放嘅文娛康體設施,例如球場同健身室等,讓輪班工作者都可以擁有更豐富嘅工餘生活!